Kurti takon homologun e tij belg, i bën thirrje për liberalizim të vizave

11:56 | 28 Prill 2021
A. B.

Kryeministri i Kosovës, Albin Kurti ka filluar vizitën e tij dy ditore në Bruksel.

Takimin e parë e ka realizuar me homologun e tij belg, Alexander De Croo, këtë e ka bërë të ditur përmes një postimi në ‘twitter’.

Kurti ka shkruar në Twitter se janë pajtuar me homologun e tij që të rrisin bashkëpunimin ekonomik.

“Fillova vizitën time dy ditore në Bruksel, shtëpinë e institucioneve evropiane me takimin bilateral me kryeministrin e Belgjikës, Alexander De Croo. Ndava me të prioritetet për vendet e punës dhe drejtësinë, angazhimin tonë për BE-në dhe bëra thirrje për liberalizim të vizave. Ne u pajtuam që të rrisim bashkëpunimin ekonomik”, ka shkruar kryeministri Kurti./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm